A Escola Municipal de Música de Baiona mantén aberto o prazo de inscricións para o curso 2017/2018 ata as 19:00 horas do vindeiro xoves para nenos de 4 a 6 anos. A matriculación pode levarse a cabo no propio centro situado na rúa Alférez Barreiro 20/21, onde os interesados terán acceso aos impresos correspondentes.
Os nenos de 4 a 6 anos poderán matricularse na materia de música e movemento para iniciarse no mundo da música con clases participativas. “Aprender e divertirse é o obxectivo e no caso dos máis pequenos as clases están adaptadas á súa idade”, apunta Gabriel Rodríguez, director da Escola Municipal.
Os horarios das clases son en quenda de mañá de 09:00 a 13:30 horas e en quenda de tarde de 16:00 a 19:30 horas. Máis información no teléfono 986 35 60 81.
