Baiona prevé a afluencia dunhas 20.000 persoas durante o Trial das Nacións

FOTO: ALBERTO RODRÍGUEZ

As dependencias do Concello de Baiona, entre as que se atopan as oficinas da Policía Local da localidade, foron marco esta mañá dunha reunión de seguridade para analizar o desenvolvemento do Trial das Nacións, un dos maiores eventos do motor a nivel mundial, que se celebrará os días 22, 23 e 24 de setembro.

Convocados polo xefe da policía baionesa, Pedro Alonso, contou coa presenza de responsables da Garda Civil, representada polo Sarxento do posto de Baiona, David González; o vicepresidente de Protección Civil do Val Miñor, David Pais; o presidente da Peña Moteros Val Miñor e organizadores da cita intercontinental, José Durán; e a xerente da empresa Jet Vigo, Sandra Fernández, deportista de recoñecido prestixio internacional, e que se fará cargo da vixilancia con motos de auga desde o mar da contorna periférica da competición.

O Trial das Nacións reunirá en Baiona a miles de afeccionados chegados desde todo o mundo, unha das citas de maior calidade dentro do ámbito da especialidade, ao ser unha selección de países que contará cos seus mellores embaixadores.

Tras a experiencia adquirida no desenvolvemento e organización de campionatos nacionais e mundiais, a Peña Moteros Val Miñor estima a chegada a Baiona unhas 20.000 persoas que non quererán perderse a competición, cunha ocupación hostaleira do 100%, a maior parte dela cos pilotos, mecánicos, técnicos, directivos e familiares dos pilotos.

Previo a este encontro, os organizadores reuníronse no despacho de Alcaldía co máximo rexedor da vila, Ángel Rodal, e a súa concelleira de deportes, María Jesús Martíns, nunha dos habituais repasos ás necesidades e trámites institucionais para o seu correcto desenvolvemento.

REUNIÓN DE SEGURIDADE DO TRIAL DAS NACIÓNS DE BAIONA
FOTO: JUAN CABALLERO // Reunión de seguridade do Trial das Nacións de Baiona.
Anuncios