Este pasado fin de semana celebrouse nos campos da Casa de Cultura de Camos, en Nigrán, o Campionato de España de bolos celta, modalidade por equipos de 1ª categoría.
Un total de 8 equipos competiron durante o sábado para poder clasificarse para a fase final do día seguinte. Os 4 equipos clasificados para semifinais foron o Club de Bolos Belesar Urgal e o Club de Bolos Medialdea, ambos de Baiona, o Club de Bolos Xunqueira de Gondomar e o Club de Bolos IV Los Valles de Navelgas (Tineo-Asturias).
Tras unhas moi disputadas semifinais cun gran nivel de xogo dos catro equipos, pasarían a disputar a final os dous equipos de Baiona (Medialdea e Belesar Urgal). O resultado da final foi de 3 a 1 a favor do Club de Bolos Medialdea proclamándose así novo campión de España.
O podio final foi:
Campión de España: BOLOS MEDIALDEA (Baiona)
Sub-campión: BOLOS BELESAR URGAL (Baiona)
3º Clasificado: BOLOS XUNQUEIRA (Gondomar)
4º clasificado: CLUB IV LOS VALLES (Tineo)
