Este venres empeza nas Rías Baixas a trixésimo segunda edición do Trofeo Príncipe de Asturias que, baixo a organización do Monte Real Club de Iates e a Escola Naval Militar de Marín, reunirá máis de 80 barcos en liza durante os tres días que dura o evento.
Entre as primeiras tripulacións en saír á auga están as regatistas da ¡HOLA! Ladies Cup, unha competición exclusivamente feminina na que se disputarán o podio algunhas das mellores patroas da península.
En igualdade de condicións, con 6 barcos idénticos e o mesmo número de persoas a bordo, pelexarán pola vitoria nun campo de regatas situado no interior da baía de Baiona, no que o comité de regatas deseñou para elas varios percorridos barlovento sotavento.
A bordo do ¡HOLA! navegarán as mozas do Club Náutico Alicante Costa Blanca, patroneadas por Cristina Ventura. No HOLA MADE IN USA sairá a regatear un dos equipos da Federación Madrileña de Vela, liderado pola varias veces campioa da Ladies Cup, Amparo Mollá. De Madrid tamén competirá, a bordo do HOLA FASHION, o equipo que encabeza Teresa Martínez; e desde Portugal chegaron xa a Baiona as mozas de Marta Ramada, que tratarán de vencer a bordo do ¡HELLO!.
Polo Club Náutico de Sant Carles de la Rápita, e baixo a denominación de HOLA.COM, navegará a tripulación que encabeza Magdalena Czernik; e o Monte Real Club de Iates, organizador do trofeo, tamén terá representación nesta competición cunha tripulación liderada por Rosalía Martínez e formada pola vicecomodora do club, Genoveva Pereiro, e un grupo de alumnas da Escola de Vela. Navegarán a bordo do HELLO FASION MONTHLY.
As probas da HOLA! Ladies Cup empezarán mañá venres ás tres e media da tarde no interior da baía de Baiona, onde tamén competirán os barcos da clase Solventís J80. Entre a frota destes monotipos veremos a un dos favoritos para levar o trofeo, o Okofen de Javier de la Gándara, ao que con toda probabilidade dará moita guerra o Marina Coruña de Pablo Martínez. O Cansino de Fernando Yáñez, o Luna Nueva de Juan Luís Tuero, o Marías Casas do Telhado de José Valentín Cunha, o Namasté de Luís de Mira ou o Virazón con Martín Wizner á cana serán outros dos jotas que pelexarán por facerse coa copa de gañador.
Na xornada inicial deste Trofeo Príncipe de Asturias tamén sairán a navegar os barcos máis grandes, das clases Óptica Studio ORC 1, Aceites Abril ORC 2 e Gadis ORC 3. Para eles non haberá bastóns senón unha costeira, que partirá da baía de Baiona e introducirase na ría de Vigo.
O Aceites Abril dos irmáns Pérez Canal, o Pairo 8 patronado polo olímpico Jordi Xammar, o Xekmatt do portugués José Carlos Prista ou o Salseiro de Manuel Blanco son algúns dos barcos que competirán na clase Óptica Studio ORC 1, xunto co Solventis, o Arroutado ou ao Siradella, entre outros.
Na clase Aceites Abril ORC 2, o SUM Innovarion de Pedro Campos, recente gañador da regata SAR Infanta Elena, é un dos nomes que soan máis forte para subirse ao podio. Tratarán de impedirllo o Bosch Service Solucion de Ramón Ojea, o Starfighter de Julio Rodríguez ou o Porto Caro II de Carlos Morgado, outros dos barcos que competirán na súa mesma clase.
Na clase Gadis ORC veremos, entre outros, ao Fend la Bise de Jean Claude Sarrade, ao Camping Ría de Arosa de José Manuel Pombar, ao Bunda dos irmáns Solorzano ou ao villano de Luis bodelón.
Ademais das probas na auga, a primeira xornada do Trofeo Príncipe de Asturias incluirá a emisión en directo, desde o club, dun programa especial de radio de Onda Cero, a partir do mediodía.
