O Rei Juan Carlos competirá este fin de semana en Baiona no 32º Trofeo Príncipe de Asturias, que se celebra os días 1, 2 e 3 nas Rías Baixas baixo a organización do Monte Real Club de Yates e a Escola Naval Militar de Marín.
Na regata, que foi presentada oficialmente esta mañá (nunha rolda de prensa ás 13:15 no club náutico baionés), o monarca emérito competirá a bordo do Bribón Movistar, na clase ABANCA 6m, acompañado polo regatista galego Pedro Campos.
A trixésimo segunda edición do Trofeo Príncipe de Asturias incluirá, como vén sendo tradición, a gala de entrega dos Premios Nacionais de Vela Terras Gauda, que este ano distinguen, entre outros, aos olímpicos Fernando Echávarri e Tara Pacheco, ao patrón do MAPFRE, Xabi Fernández; e ao Spanish Impulse.
