Este fin de semana celébranse en Praia América, en Nigrán, as grandes festas na honra da Virxe do Carme.
A programación comezará o venres 28 de xullo cunha festa amenizada por DJ Charlie e DJ Blach.
O sábado 29 a verbena correrá a cargo da orquestra Costa Blanca e o grupo América.
O domingo 30 ás 10:00 da mañá entrada e pasarrúas do grupo de gaitas San Paio de Alxén. Ás 12:00 do mediodía comezará a Misa Solemne no campo de fútbol de Lourido seguida de procesión acompañada polo mesmo grupo. Pola noite, a verbena estará amenizada pola orquestra The Boys Machine e o grupo Anduriña.
O luns 31 ás 17:00 horas celebraranse as grandes cucañas para os nenos. Ás 22:30 horas comezará a verbena fin de festa coa actuación da orquestra Olympus e o grupo D’Momento. Ás 00:00 horas será a gran tirada de lumes de lucería.
O martes 1 de agosto celebrarase o Día do Neno.
