Este venres 23 de xuño celébrase en Baiona e Gondomar a solemnidade do Sagrado Corazón de Xesús.
Na Igrexa Conventual das Nais Dominicas de Baiona, ás 17:00 horas terá lugar a Exposición do Santísimo e Adoración segundo as quendas de vela. Ás 20:00 horas comezará a Misa Solemne, coa posterior saída da tradicional procesión polas rúas do casco histórico, acompañada como é habitual polos nenos e nenas que recibiron recentemente a Primeira Comuñón e a Banda de Música de Baiona.
En Gondomar, na Igrexa de San Bieito, a Misa Solemne comezará ás 20:30 horas, seguida de procesión.
