O alcalde de Gondomar, Paco Ferreira, acompañado pola concelleira de Infraestruturas, Iria Lamas, supervisou a pasada semana co responsable de Estradas da Xunta de Galicia varias zonas do termo municipal co obxectivo de mellorar a imaxe, a seguridade viaria e a accesibilidade das vías.
Así mesmo, o rexedor informou que se iniciarán as xestións oportunas para levar a cabo a retirada dos valos publicitarios do centro urbano, evitando o «feísmo» que producen debido ao seu estado de abandono.
Trátase dunha decena de valos publicitarios situados nas proximidades da estación de autobuses, nas Avdas. de Portugal e da Feira, nas rúas Pereiras e Elduayen e na estrada de Couso.
