Debido á demanda, cada vez maior, das formacións obrigatorias e necesarias para traballar na construción, desde a Asociación de Empresarios e Comerciantes do Val Miñor (OVALMI) están a organizarse uns cursos dirixidos a este sector.
O primeiro, de PRL básico, será de 60 horas semipresencial (20 horas presenciais e 40 de teleformación). O prezo da formación por alumno é de 150 € para os socios e de 190 € para os non socios. O segundo, é un curso específico de carpintería de 6 horas. O prezo por alumno é de 55 € para os socios e de 75 € para os non socios. O prezo inclúe material, expedición de diplomas, etc.
Os traballadores por conta allea que queiran acollerse á bonificación a través da Fundación Tripartita terán un incremento de 20 € por alumno e curso.
Os cursos impartiranse na sede da asociación de empresarios, na Praza Rosalía de Castro, local 3 baixo, Nigrán. Realizaranse a condición de que se alcance un mínimo de alumnos.
Para inscribirse ou para calquera información hai que contactar coa Asociación no teléfono 986 366 730 ou a través do correo electrónico asociacion@ovalmi.com.
