A Federación de Prazas de Abastos de Galicia (FEPRAGAL) organiza o I Concurso Fotográfico “Quere o teu mercado”, no que participa a Praza de Abastos de Baiona.
Os interesados en participar deberán enviar as súas fotografías desde o 1 de abril ata o 31 de xullo. As instantáneas tomaranse dentro das prazas asociadas e para demostralo ten que verse algún elemento significativo e recoñecible dalgunha das prazas ou algún elemento de merchandising da praza.
As fotografías enviaranse ao correo electrónico marketing@fepragal.es, indicando praza, nome completo e DNI. A continuación serán publicadas no Facebook de FEPRAGAL para que sexan votadas. O premio para o gañador será un iPhone 7.
