Este mércores 1 de febreiro arranca a campaña de San Valentín “Ven a Baiona e namórate de nós”, organizada un ano máis pola Asociación de Comerciantes e Empresarios de Baiona (ACEBA).
Os clientes que realicen as súas compras nos asociados e completen o cartón cos seus datos e tres selos de distintos establecementos poderán gañar fabulosos e románticos agasallos, que se sortearán o próximo 13 de febreiro. Unha vez cubertos, estes cartóns depositaranse na caixa de correos habilitada para iso, situada na Alameda da Rúa Carabela Pinta.
