Este domingo día 5 de agosto terá lugar no recinto de festas de Chaín (Gondomar) a XXI edición da Festa do Xurelo Asado, onde os asistentes poderán degustar un menú variado a base de produtos elaborados co rei da festa: o xurelo. Dispoñerase de mesas e cadeiras baixo carpa onde degustar un menú composto por xurelo asado con pan de millo, croquetas, tortilla e empanada, ou racións dos mesmos a prezos populares. Prepáranse tamén para levar, e ademais o evento estará amenizado por Manu Pereyra e o Grupo de Cantos Populares do Centro Cultural e Veciñal de Peitieiros.
