Gondomar abriu este domingo a programación de actos e cultos relixiosos da Semana Santa coa celebración da Procesión da Borriquiña, que por terceiro ano consecutivo, contou cun burro vivo. Tras a bendición de Ramos e Palmas na Praza da Alameda, coa asistencia de centos de fieis, comezou o percorrido ata a Igrexa Parroquial de San Bieito, onde se celebrou a Misa da Paixón do Señor.
A programación continuará o mércores coa Celebración Penitencial e Eucaristía. Xa o xoves, tras a Celebración da Cea do Señor, terá lugar a Procesión dos Catro Pasos, e o venres a da Esperanza, ao finalizar a Celebración da Morte do Señor. O sábado celebrarase a Solemne Vixilia Pascual, e o domingo a Misa de Pascua e a Procesión do Encontro.
Programación de Semana Santa en Peitieiros, Mañufe e Gondomar