A Policía Local de Vigo localizou este domingo a unha muller de idade avanzada cuxa desaparición se denunciou en Nigrán. Ás 21:30 horas, os axentes foron comisionados pola Central de Información e Mando (CIMa), para que se trasladasen á zona da Igrexa de Coruxo, onde localizaran a unha señora maior, que se atopaba desorientada. Unha vez no lugar, os axentes puideron comprobar que se trataba da persoa acerca de cuxa desaparición existía constancia na Policía Local de Nigrán. Os Policías Locais de Vigo trasladárona ata Saiáns, onde finaliza o termo municipal de Vigo, facéndose cargo de continuar o servizo a Policía Local de Nigrán.
