Axentes da Garda Civil detiveron novamente este luns por un suposto delito de abusos sexuais a J.V.F., veciño de Nigrán que exerce como masaxista nun centro terapéutico desta localidade, pouco despois de que unha muller presentase unha denuncia contra el.
Segundo a muller, mentres recibía o tratamento na consulta do centro terapéutico, foi obxecto de tocamentos, polo que presentou a denuncia correspondente. O home foi detido e xa pasou a disposición xudicial do Xulgado de Instrución número 4 de Vigo, como presunto autor dun delito de abusos sexuais.
O masaxista xa foi denunciado entre abril e maio de 2016 por feitos similares, supostamente ocorridos contra mulleres -entre elas unha menor de 17 anos-, no centro de Nigrán, nun centro de homeopatía que rexentaba en Vigo e nunha consulta nun hotel do sur da provincia de Pontevedra.
